Дэбют эсвэл үхэл

Рю Гонү төрийн албаны шалгалтад дахин унасныхаа дараа согттолоо ууж, ухаангүй болдог. Гэтэл сэрэхдээ огт танихгүй төрхтэй болж, Пак Мүндэ гэх 20 настай өнчин залуугийн биед орсноо мэднэ. Тэр залуу өмнө нь амиа хорлосон бөгөөд Гонү яагаад ч юм 3 жилийн өмнөх үе рүү буцаж очсон байлаа. Харин өөрийнх нь анхны бие хаана, юу болсон талаарх ямар ч мэдээлэл олдохгүй. Энэ нөхцөл байдал өөрийнх нь мэддэг уран зөгнөлт зохиолуудтай адилхан байж магадгүй гэж бодсон Мүндэ системийг дуудахыг оролдоно. Үнэхээр систем гарч ирсэн ч түүнд хамгийн муу мэдээг өгнө: "Дэбют хий, эсвэл үх." Хэрэв тэр нэг жилийн дотор айдол болж дэбют хийж чадахгүй бол үхнэ. Амьд үлдэхийн тулд Мүндэ “Idol Inc.” нэртэй айдолын өрсөлдөөнт нэвтрүүлэгт орж, тэндээс дэбют хийх байр сууриа олж авах хэрэгтэй болно. Өмнө нь папарациар ажиллаж байсан учраас айдолын ертөнц, алдартнуудын талаар тодорхой хэмжээний мэдлэгтэй нь түүнд давуу тал болно. Гэхдээ энэ ертөнцөд хийсэн ганц буруу алхам нь түүний ирээдүйн карьер төдийгүй, өөрийнх нь амьдралыг ч сүйрүүлж мэднэ.